3. Prologus in Andriam

{381}
NON actuosam, Spectatores, fabulam,
Non gestis, non personis non vi comica
Illustrem, hac nocte vobis exhibebimus;
Qualem in Pincerna, qualem in Aulularia,
Et qualem in Phormione dedimus antehac.
Fatemur ultro:—at Andrię manet tamen
Laus singularis, et honos revera suus.
Namque in sermone castus et simplex nitor,
Bene cogitata bonis expressa vocibus,
Modus in ludendo, mores depicti probe,
Colloquia concinna, aptę dramatis vices,
Hęc si scripturam faciunt melioris notę,
Hęc si sibi nostra jure vindicat suo,
Tum Plautus nec Terentius ipse tradidit
Pręstantiorem fabulam ullam hac Andria. {382}
Non de poeta, Spectatores optimi,
Non, sed de nobis ipsis hic timendum erit;
Ne nos, qui fuimus acriores fabulas
Jam fauste aggressi, nequeamus persequi
Cum laude venam hanc doctioris ingenī.

Vos ideo, amici, nunc scenam ingredientibus
Concedite, ut soletis, sed mage quam prius,
Namque opus impense est, vestram benevolentiam.

The Oratory
.
1870.

 

Top | Contents | Works | Home


Newman Reader — Works of John Henry Newman
Copyright © 2007 by The National Institute for Newman Studies. All rights reserved.